№1, 2022
Göygöl rayonu ərazisində yayılmış bəzi perspektivli dərman bitkiləri
Xülasə
Məqalədə 2022-ci ildə Göygöl ərazisində yayılmış dərman bitkilərinin öyrənilməsi əsasında əldə olunmuş tədqiqat nəticələri barədə məlumat verilir. Tədqiqatlar ümumi qəbul edilmiş floristik təhlillər, etnobotaniki sorğular əsasında icra edilmişdir. Toplanmış sorğu materiallarından məlum olmuşdur ki, əhali arasında istifadə olunan 45 növ faydalı bitkidən 7 növ (15,56%) nadir, 38 növ (84,44%) dərman bitkiləridir. Məqsədimiz respublikamızın florasında yayılmış dərman bitkilərinin təbiətdəki müasir vəziyyətinin, təbii ehtiyatının rayonlar və təbii zonalar üzrə öyrənilməsi, yayıldığı ərazilərin xəritələşdirilməsi, onlardan səmərəli istifadəsi ilə bərabər, nadir növlərinin mühafizəsi yollarının müəyyənləşdirilməsi və yerli əhaliyə bu haqda məlumatların ötürülməsindən ibarətdir.