№2, 2024
MÜRGƏKOTU (EPIPACTIS ZİNN., ORCHIDACEAE JUSS.) AZƏRBAYCAN FLORASINDA
Xülasə
Məqalədə Azərbaycanda yayılan Səhləbkimilər (Orchidaceae Juss.) fəsiləsinin Mürgəkotu (Epipactis Zinn.) cinsinə aid növlərin sistematik təhlili verilir. Səhləbkimilər fəsiləsi, o cümlədən, Mürgəkotu cinsi tərəfimizdən “Azərbaycan Florası” çoxcildliyinin yeni nəşri üçün işlənilmişdir. Cinsin sistematik işlənilməsində hazırda nəşr ounan “ Rəsimli Türkiyə Florası” çoxcildliyində qəbul edilən qaydalar əsas götürülmüşür. Ədəbiyyat, fond materialları və son illərdə təşkil edilən ekspedisiyalar zamanı toplanılan herbari və monitorinq məlumatları əsasında Azərbaycanda bu cinsin 8 növün yayılması müəyyən edilmişdir: E.palustris, E.veratrifolia, E.helleborine, E.atrorubens, E.persica, E.microphylla, E. turcica, E. rechingeri. Məqalədə cinsin təsviri və növlərin təyinedici açarı, prioritet adı, taksonların nomenklatur tipləri, bazionimi, sinonimləri, çiçəkləmə və meyvə verməsi vaxtı, bitmə şəraiti, Azərbaycanda yayılması və coğrafi tipi haqqında məlumatlar verilir.